ي صفحات على الفيسبوك تدّعي إنها تقدم فرص استثمار في الأسواق العالمية، وتقولك تبدأ بـ 100 إلى 200 دولار أو من 1000 إلى 3000 دينار ليبي، وتربح أضعاف خلال أيام!
مثل هذه الصفحة المسماة أكاديمية التداول
https://www.facebook.com/profile.php?id=100089757077396…
لكن خلينا نفتح العين شوي 
لما تدقق توا تلقى التالي:
أدمن الصفحة ليس من ليبيا
موقع الصفحة من الهند
وكلهم يدعوا إن عندهم شهادة من “وزارة الاقتصاد” 
لكن لما تبحث، مافيش جهة رسمية موثوقة تأكد هالكلام.
الحقيقة: هذي الصفحات تنصب على الناس وتخليهم يحوّلوا فلوسهم بحجة “فتح محفظة”، وبعدين يختفوا أو يقولولك لازم تدفع زيادة باش تسحب “أرباحك”…
وفي النهاية، ما تتحصل على شيء غير الخسارة!
ما تصدقش لو قالولك:
“استثمر 100 دولار اليوم وتربح 1000”
“نديرولك تداول مضمون في الفوركس أو العملات الرقمية”
“نضمنولك الربح بنسبة 100%”
هذي كلها إشارات واضحة للنصب.
حافظ على أموالك، وما تحوّلها لأي جهة ما تعرفهاش، خصوصًا لو ما فيها:
رخصة موثوقة
سجل تجاري حقيقي
تواصل واضح ومباشر (مش بس واتساب أو فيسبوك)
تابع صفحة “احذر” وشارك الصفحة لكي توصل التوعية لأكثر عدد ممكن.
